Nagpalab-ot sang iya kasubo kag pag-unong si Silay City Mayor Joedith Gallego matapos nga mahibalu-an ang impormasyon angut sa pagtaliwan ni Former Mayor Carlo Gamban. Sa interview sang DYHB kay Gallego iya ginpahayag nga gilayon ini nagpadulong sa panimalay sang anay alkalde agud hibaluon ang impormasyon nga natabon sini pasado alas 3:30 sang hapon, Disyembre 2, 2024. Suno sa alkalde, nga nakakadto pa sa iya opisina si Gambam sa mga nagliligad nga mga semana kag naka-istoryahanay kag nakahatag pa ini sa mga advise sa iya. Pahayag ni Gallego nga isa si Former Mayor Gamban sa mga nag-upod kag naghatag sang suporta sa iya sa hanay sang politika. Bilang pagpabutyag sang kalisod sang ciudad, ginalauman nga mangin half-mast ang Philippine Flag sa Silay bilang paghatag sang pagtahod kag simpatya sa pamilya. Si former Mayor Gamban, ang nagserbe bilang alkalde sang ciudad sang tuig 2001 tubtob 2007.
