Indi kumpleto ang pagkaon kun wala pares nga sabaw ang imo nga kan-on, pero kun ikaw na ang papilion, ano nga sabaw bala ang luyag mo higupon?
Nagpangibabaw ang panabor sang mga Pinoy matapos nalakip ang bulalo kag sinigang nga baboy sa Top 20 sa listahan sang 100 Best Meat Soup in the World suno sa TasteAtlas.
Ang TasteAtlas’ ang isa ka experiential travel online guide nga naga-explore sang nanari-sari nga mga local food kasubong man sa paghatag sang critic reviews.
Nakuha sang bulalo ang ika-17 nga spot sa diin ginlaragway ini sang TasteAtlas nga “a traditional Filipino soup that is prepared by cooking beef shanks and marrow bones until the fat and collagen dissolve into the broth, resulting in a robust flavor.”
Samtang, nakakuha naman sang 4.4 star ang sinigang nga baboy nga yara sa ika-18 nga pwesto.
Nagpanguna sa listahan sang TasteAtlas’ ang Rawon sang Indonesia, sunod ang Soto Betawi sang pareho nga pungsod kag top 3 amo ang Beyran corbasi sang Turkey.
