Nagapadayun sa gihapon ang pagpang-usisa kag imbestigasyon sang kapulisan natuhoy sa identity sang duha ka persona nga nagluthang patay sa isa ka negosyante sa Libertad Extension bahin sang Barangay 40 sa ciudad sang Bacolod, pasado las-2 sang hapon, Disyembre 3, 2024.
Sa interview sang DYHB kay Bacolod City Police Office (BCPO) Director, Police Colonel Joeresty Coronic iya ginpahayag nga ang duha ka suspetsado ang nakasuksok sang jacket, bonet kag sang helmet kag ginadala ng motor nga wala sang plaka.
Suno kay Coronica nga nagapatigayon sa karon sang backtracking sang kapulisan kag ginatipon ang mga posible kuha sang CCTV nga malapit sa gintunaan sang krimen. Dugang pa sini nga ginalantaw sa karon ang posible angut sa negosyo ang nangin motibo sa pagtiro patay sa negosyante.
Madumduman nga ang biktima sang amo nga insidente ang 39-anyos nga ginkilala kay Michael Garcia nga residente sang amo nga lugar. Nagahinyo naman ang BCPO Head sa mga pumuluyo ukon mga residente sa lugar nga nakita ukon nakatalupangod nga magpakig-angut sa kapulisan natuhoy sa identity ukon mga nangin giho sang mga suspetsado antis pa man ang nasambit nga pagpangluthang.
