WORLD NEWS- Ginbawian sang kabuhi ang kapin 56 ka mga tawo matapos nga na stampede sa isa ka football match nga gindedikar sa lider sang Guinea military nga si Mamadi Doumbouya.
Ang football match ang ginhiwat sa tunga sang grupo sang Labe kag N’zerekore.
Ginsalakay sang fans ang pitch sa tunga sang hampang sa second city sang N’Zerekore matapos ang duha ka red card kag kontrobersyal nga late penalty nga ginhatag batok sa Labe.
Ang amo nga insidente ang una nga ginreport bilang mga engkwentro sa tunga sang mga fans.
Ang mga opisyales nga nagalantaw sang hampang, lakip ang duha ka ministro ang ginpunggan sa paghalin, kag nagtuga sang paghaboy sang bato kag pagpalupok sang tear gas sang mga pwersa sang seguridad, suno sa nakasaksi.
Napuno sang mga pilason ang ospital kag puno man ang mga morgue sang mga nagtaliwan.
Samtang gina-akusahan sang oposisyon ang mga awtoridad nga ginapangunahan sang militar nga direkta nga responsable sa trahedya.
