NEGROS OCCIDENTAL – Ginaduso ni anay Victorias City Mayor Francis Frederick Palanca ang pagdula sang One Hospital Command sang Provincial Government.
Sa press conference nga ginpatawag sang PDP Laban, Martes nga adlaw, ginpahayag ni Palanca nga madamo sang programa nga ginapatuman ang probinsiya nga makabig nga “anti-poor” kag isa na diri ang One Hospital Command, nga naga-serbe nga sentro sang komunikasyon sa pag-refer sang mga pasyente sa nagkalain-lain nga mga bululngan sa probinsiya.
Ginakwestyon ni Palanca kun ngaa nagapabilin pa ang One Hospital Command sa pihak nga gin-establisar ini sadto para sa nagluntad nga COVID-19 pandemic.
