PROVINCIAL GOVERNMENT – Gindeklarar sang National Disaster Risk Reduction and Management Council (NDRRMC) ang Provincial DRRMO sang Negros Occidental bilang “Beyond Compliant” sa Gawad KALASAG Seal and Special Awards for Excellence in Disaster Risk Reduction and Management and Humanitarian Assistance para sa tuig 2024 sa idalom sang Local DRRM Councils and Offices Category.
Ini ang ginpalab-ot sang NDRRMC sa Provincial Government paagi sa isa ka sulat ni Regional DRRMC kag Office of the Civil Defense Region 6 Director Raul Fernandez nga ginpadala kay Governor Eugenio Jose Lacson kahapon nga adlaw, Disyembre 3.
Lubos ang pagpanginbulahan ni Provincial Administrator Atty. Rayrando Diaz kay PDRRMO Head Irene Bel Plotena kag sa bug-os nga Provincial Government bangud ini ang labing-una nga gindeklarar nga “Beyond Compliant” ang probinsiya.
Ang pagkilala ang igatan-ay sa pagahiwaton nga 24th Gawad KALASAG National and Regional Awarding Ceremony sa Iloilo City sa maabot nga Disyembre 11. Samtang, national finalist man ang probinsiya sa SubayBayani sang Department of the Interior and Local Government bangud sang good governnce kag infrastructure development.
