Ginhatagan sang libre nga facemask ang pila ka mga residente sang Barangay Ilijan kag Barangay Mailum sa ciudad sang Bago bangud sa naeksperensyahan nga ashfall matapos maglupok ang Bulkan Kanlaon pasado alas 3 sang hapon, Disyembre 9, 2024.
Sa interview sang DYHB kay Councilor Mayette Javellana iya ginpahayag nga nakabaton man ini sang impormasyon angut sa pagmahal nga bili sang facemask nga naglab-ot na sa tag P20.00 pesos ang presyo.
Nahibaluan nga may pila na ka mga residente sang nasambit nga lugar ang nag-evacuate na bangud sa aktibidad sang Kanlaon.
Suno sa konsehal nga nagpaluto sang pagkaon nga iagapanagtag sa mga evacuees kag may pila man ka mga persona ang nag palab-ot sang ila bulig.
Padayun naman nga nagapanugyan ang LGU sang Bago City sa mga pulumuyo nga magsuksok sang facemask kag mag-aligmat natuhoy sa padayun nga lakat sang aktibidad sang Bulkan Kanlaon.
