Nakahanda na sa karon ang evacuation centers sa ciudad sang Himamaylan pananglitan himuon ini nga evacuation centers sang mga evacuaees gikan sa iban nga kaiping nga ciudad kag banwa.
Sa interview sang DYHB kay Himamaylan City Mayor Raymund Tongson iya ginpahayag nga naka-standby sa karon nga mga tinion pananglitan himuon inI nga extension sang evacuation matapos ang paglupok sang Bulkan Kanlaon. Personal naman nga nagpadulong ang alkalde sa banwa sang La Castellana pila ka oras matapos ang paglupok sa bulkan agud mag tyekyar sang sitwasyon diri kag tan-awon kun ano ang sarang mabulig sini.
Suno kay Mayor Tongson padayun inI nga maka-augment sa mga kaiping nga ciudad kag banwa sa Southern Negros.
Ginkabig naman sang alkalde nga maayo nga senyales ang wala sini pagpadulong sa Manila bangud naka-responde ini kag may nabilin nga mayor para sa fifth district bangud iban ang mga chief executive ang nagpadulong sa DILG agud personal nga magbaton sang Seal of Good Local Governance (SGLG ) Award.
Pahayag sini nga padayun nga magabulig ang ciudad sang Himamaylan sa tion sang pareha sini bangud nagapati ang alkalde nga kun ang ciudad naman ang magkinahanglan sang bulig magabulig man ang kaiping nga mga banwa.
