Kun kaisa, bangud sang kasakuon sa trabaho kag stress sa palibot, madamo sa aton ang namian gid mag relax sa spa ukon sa massage clinic.
Apang ano nga masahe bala ang safe kag ano ang dapat likawan.
Ginbawian gid sang kabuhi ang isa ka Thai country singer nga si Chayada ‘Phing’ Prao-hom, 20-anyos, matapos nagkakumplikasyon ang cervical disc sini bangud sa “neck twisting massage” sang isa massage parlor sa Udon Thani.
Sandig sa isa ka article, pagkatapos sang nasiling nga masahe nagreklamo si Chayada nga indi na sini mabatyagan ang katunga sang iya lawas kag indi sini ma alsa ang iya pihak nga butkon.
Kag sang dalayon na, indi sini mahulag ang iya bilog nga lawas.
Sa pagpangusisa sang otoridad, nahibaluan nga sa pito ka mga masahista sang massage clinic, duha lang sa mga ini ang may valid license.
Plano naman magpasaka sang kaso sang boyfriend ni Chayada batok sa pamunuan sang massage parlor.
