Ginabanta 34 ka mga bloke nasunog sa sulod sang Central Market sa ciudad sang Bacolod mga las-2:25 sang kaagahon, Disyembre 13, 2024.
Sa interview sang DYHB kay Primitivo Tabujara, head sang Public Safety and Safety Office (POSO) ssa tunga mismo sang Central Market nagsugod ang kalayo kag kalakip sa mga nasunog ang mga tailoring shops kag karinderya.
May duha ka POSO guards nga nagabantay sa Central Market nga amo gilayon nagreport sa Bureau of Fire Protection (BFP) rason sa madasig nga pag-responde.
Mga las-3:20 sang kaagahon napalong ang kalayo.
Apang sa karon ginalantaw pa kon pila ka bloke ang totally damaged kag pila man ang partial nga nahalitan. Ginahulat man ang final report kon pila ang balor sang kahalitan kag kon ano ang gintunaan sang kalayo.
