BACOLOD CITY- Isa ka anay preso sa kaso nga frustrated murder ang ginluthang sa bahin sang Zone 3, Abada Escay, Barangay Vista Alegre, pasado las-2 sini nga aga, Disyembre 12, 2024.
Ang biktima ang ginkilala kay Rolly Raquel, 40-anyos, manog bantay piso net kag residente sang nasambit nga lugar.
Ginpahayag ni Police Captain Dax Santillan, Station Commander sang Bacolod City Police Station 7, bag-o lang panaog halin sa motorsiklo nga iya ginhulam sa iya paka-isa si Raquel kag magasulod na kun tani sa ila ginarentahan nga balay apang hinali lang ini ginluthang sang ginapatihan riding in tandem.
Nahibaluan nga nakagwa sa Muntinlupa Bilibid Prison ang biktima sadtong tuig 2020. Magluwas sa amo nga anggulo sa motibo sa pagpangluthang sa biktima, isa man sa ginalantaw sang kapulisan ang posibilidad nga may kontra ini ukon kulantrohanay sa illegal nga droga.
Apang padayon pa ang imbestigasyon sang PS6 agod matumod ang suspetsado sa amo nga krimen.
