NEGROS ISLAND REGION- Natigayon na nga maka-evacuate ang 81% ka mga pumuluyo nga nalakip sa 6 kilometer Extended Danger Zone (EDZ) sa palibot sang Bulkan Kanlaon, as of 10am, December 15, 2024 matapos nga ini ang ginpaidalom na sa Alert Level 3.
Base sa rekord sang Office of the Civil Defense- Western Visayas, ang 3,328 ka pamilya ukon 11,035 ka indibidwal nga nagikan sa Negros Occidental nga ginalakipan sang Barangay Ilijian kag Mailum sa Bago City; Brgy. Ara-al kag Yubo sa La Carlota City; Brgy. Biak na Bato, Cabagnaan, Mansalanao, Sag-ang, kag Masulog sa banwa sang La Castellana, ang 100% na nga nagbiya sa ila mga panimalay.
Samtang sa bahin naman sang Brgy. Masulog, Pula, Malaiba, Lumapao, kag Linothangan sa Canlaon City Negros Oriental, out 6,092 ka indibidwal ang dapat nga mag-evacuate, yara pa lamang sa 3,772 ang nag-evacuate.
Ginalauman subong nga adlaw, 100 porsyento na ka mga pumuluyo nga apektado sa 6km EDZ ang nagbiya na sa lugar.
