Nadakpan sang mga otoridad ang isa ka mataas nga lider sang New People’s Army (NPA) sa pursuit operation sa Sitio Malig-on, Barangay Bandila, Toboso. Ini ang ginkilala nga si Alias “ Ka Pinky”, 58-anyos, mataas nga lider sang Regional Headquarters Komiteng Rehiyon Negros, Cebu, Bohol, and Siquijor (RHQ-KR NCBS).
Suno sa 79th Infantry Battalion, si Ka Pinky ang associate man ni Roger Fabillar alias “Arnel Tapang” nga hitman sang NPA hitman kag may P1-million nga patong sa ulo sini.
Si Ka Pinky ang nadakpan sang gintingob nga pwersa sang 79IB, Toboso Municipal Police Station, 1st and 2nd Negros Occidental Police Mobile Force Company (NOCPMFC) kag 6th Special Action Battalion, PNP-SAF sang Disyembre 14, 2024.
Ini ang kasunod sang bayluhanay luthang sa tunga sang 79IB kag mga remnants sang CTG sa Sitio Tauma, Barangay Bandila.
Ang NPA leader ang ginaangot man sa mga aktibidad sang mga rebelde sa northern Negros kag may standing nga warrant of arrest nga gin-issue sang Regional Trial Court Branch 59 sa San Carlos City sang January 27, 2021. Yara karon sa kustodiya sang Toboso MPS si Ka Pinky.
