Magapungko ang bag-o nga City Legal Officer sang Bacolod bwas nga adlaw, Disyembre 18, 2024.
Ini matapos gin-confirm sa DYHB ni Bacolod Mayor Albee Benitez ang pagresign ni Atty. Romeo Carlos Ting Jr. bilang city legal officer sang syudad sang Bacolod.
Si Ting ang nagsubmit sang iya resignation letter sadtung November 22, 2024 sa diin mangin epektibo ang iya pagbiya sa city government sini nga adlaw, December 17, 2024.
Base sa sulat ni Atty. Ting, nga ang rason sang iya resignation amo nga magatutok ini sa private practice bilang abogado.
Samtang, magabulos naman kay Ting si Secretary to the Mayor- Atty. Karol Joseph Chiu bilang bag-o nga city legal officer, effective December 18, 2024. Mangin bag-o naman nga STTM si Atty. Marty Go.
