Ginbawian sang kabuhi ang isa ka lalaki matapos ginluthang sa reclamation area sa ciudad sang Bacolod, kahapon, Disyembre 16. Ang biktima ginkilala nga si Jordan Rafols.
Base sa inisyal nga nakuha nga impormasyon sang DYHB sa area, nagasakay sa tricycle ang biktima halin sa sakop sang Police Station 2 kag ginlagas sang riding in-tandem suspek tubtob nalab-ot sa reclamation area kag didto ini ginluthang.
Nakabati sang kapin apat ka lupok ang mga tawo sa lugar.
Suno naman kay Police Lieutenant Joery Puerto, head of operations sang Bacolod City Police Office (BCPO), may yara na sang persons of interest sa pagpangluthang kag may yara man sang witness sa insidente. Wala pa natumod ang motibo sa krimen.
