Kada ginahiwat ang bag-ong tuig diri sa Pilipinas, naandan na ang pagpalupok sang mga firecrackers kag pagpatigayon sang fireworks display agud mangin espesyal pa ang pagsug-alaw sang newyear. Apang sa pungsod Georgia, pinasahi ang ila pamaagi sa pag-celebrate sang bag-ong tuig, bangud indi katay, ukon kamara ang ila ginapalupok kundi, building! Insakto ang imo nabasahan, Yes, buidling! Sang tinalikdan nga tuig, ginbakal sang lokal nga gobyerno sang Macon-Bibb County ang isa ka hotel sa balor nga $4.5 million pinaagi sa isa ka federal bankruptcy proceeding. Kag sang damlag lang, ginkasugtan nila nga mag-hire sang demolition firm agud palukpon ang building sa balor nga $2.6 million. Sa nahibaluan, tuig 1970 pa sang gintukod ang building apang wala gid nangin madinalag-on ang operasyon sini. Dugang pa, nangin eyesore naman ini sa bilog nga komunidad rason kun ngaa ginpakamaayo na lang nga gub-on ini. Kag karon nga nagahilapit na ang new year, ginaplanuhan na ang pagprotekta sa mga property owners nga malapit sa building agud indi ang mga ini madalahig kun palukpon na ang building bilang pag sug-alaw sa bag-ong tuig.
