Gindakup sang kapulisan ang 33-anyos nga lalaki matapos gina-alegar nag-maoy sa Barangay Bacuyangan, banwa sang Hinoba-an, ala-una sang kaagahon, Disyembre 24, 2024. Ginkilala ang amo nga persona nga si alyas Sonny Boy, isa ka welder kag residente sang nasambit nga lugar. Base sa impormasyon, nakabaton sang tawag gikan sa Tanod sang Barangay Bacuyangan ang Hinoba-an Police Station nga nagapahibalo nga may yara sang nagluntad nga komosyon. Pag-abot, gintinguhaan nila nga pakalmahon ang suspek apang nagbato ini, wala nagtuman sa legal nga mando sang pulis kag sa baylo gin-agaw ang service firearm sang nagresponder nga pulis kag ini ang nagtulod sa kapulisan nga dakpon na si Sonny Boy. Sa karon yara sa kustodiya sang Hinoba-an Police ang lalaki kag magapangatubang sang kaso nga alarm and scandal kag direct assault upon person in authority.
