Sa edad nga 70, baskog pa ang tuhod ni Jin Hui, nakasarang pa gani ini magdalagan sang 100 meters aa sulod sang 14 segundos sa isa ka competition kun sa diin, nakakuha ini sang lima ka gold medals sa iya age group. Ang 71 anyos nga si Jin Hui ang ginkilala nga China’s “hardcore uncle” ini matapos iya gindominar ang 2024 China Track and Field Masters. Ang nasambit nga kompetisyon ang ginapasakupan sang mga atleta nga naga-edad sang 35 tubtob 84 anyos nga naghinalin pa sa nagkalain-lain nga track and field events. Nahibaluan nga ini na ang ikaduha nga tion nga nag-compete si Jin Hui sa amo nga event kasunod sang iya debut sang 2023 kun sa diin, nangin 2nd placer ini sa 100-meter race nga may clock nga 15.26 seconds. Sa amo man nga event, naka-set siya sang bag-o nga National record sa 100-meter race sa iya age group. Magluwas sa 100m run, nagpasakop man si Jin Hui sa 200m, long jump, 4×100m relay, kag 4×400m relay sa 2024 China Track and Field Masters kun sa diin, gindominar niya ini tanan. Pahayag pa sini nga kanami batyagon kun ikaw mismo ang naga-challenge sa imo kaugalingon bangud diri mo mahibaluan kun diin kutob ang imo masarangan.
