Nagdangat na sa 6,180 ka mga indibidwal ang apektado sang mainulanon nga panahon kag pagbaha tuga sang Shear Line kag Tropical Depression Romina sa mga ciudad kag banwa sa norte nga bahin sang Negros Occidental. Ini sandig sa Situational Report #2 sang Provincial Risk Reduction and Management Office as of 11 AM kahapon nga adlaw, Disyembre 24, 2024. Nagpanguna ang Cadiz City nga may 5,528 ka mga apektado nga indibidwal, ginsudan sang EB Magalona nga may 2,620, Manapla 586, Sagay 48 kag Victorias City nga may 37 ka mga apektado. Madumduman nga ekspersyahan ang mataas nga lebel sang tubig baha tinalikdan nga mga inadlaw kun sa diin nag evacuate ang mga residente gikan sa banwa sang Manapla kag ciudad sang Victorias kag Cadiz. Samtang pila naman ka mga residente ang nagapanawagan sang bulig para sa ila pagpatukod liwat sang balay bangud gintumba kag naguba ini tuga sang malain nga panahon.
