Nakarecord na ang ciudad sang Bacolod sang isa ka fireworks-related injury matapos naka-angkon sang pilas ang isa ka bata, Disyembre 24, 2024. Ang biktima ang pito ka tuig nga bata nga lalaki kag residente sang Barangay Estefania, Bacolod City. Ini siya ang nalukpan sang five star nga klase sang palupok kag naka-angkon sang pilas sa iya kamot kag ti-il. Bangud sini, nagapahanumdum karon ang Bacolod City Health Office partikular sa mga ginikanan nga bantayan ang ila mga kabataan ilabi na ang mga menor edad agud nga indi makahampang sa anuman nga klase sang palupok.
