Nakunpiskar ang kapin P6.8 milyon ka pesos sang ginapatihan shabu sa isa ka drug buybust operation nga ginpatigayon sang Police Station 8 Drug Enforcement Team sa Prk. United Roadside, Barangay Tangub syudad sang Bacolod pasado las 7 sang gab-i, Disyembre 29, 2024.
Ginkilala ang suspect kay Kyle Andre Ma-alat, legal ang edad kag residente sang Barangay Mambulac, Silay City apang temporaryo nagapuyo sa Prk. United Roadside, Barangay Tangub syudad sang Bacolod.
Nakuha sa posisyon ni Ma-alat ang kapin isa ka kilo (1,000 grams) sang suspected shabu nga nagabalor sang P6,800,000.00 kag mga drugs paraphelnalia. Si Ma-alat ang yara na sa kustodiya sang kapulisan kag magapangatubang sa paglapas sang RA 9165 ukon Dangerous Drugs Act of 2002.
