Nakuha sang Abu Dhabi sa United Arab Emirates ang world record sang may pinakalawig nga fireworks display kag drone show nga ginpatigayon sa pagsug-alaw sang bag-ong tuig. Ang show ang naglawig sang 50-minute sa Sheikh Zayed Festival sa Al Wathba. Sa pagsulod sang tuig 2025, nagpangibabaw ang selebreasyon sang Abu Dhabi matapos sini gin-host ang “largest fireworks display”. Magluwas sini, nag-set man sang world record ang lugar sa ginpatigayon nga 20 minutes drone show gamit ang kapin 6,000 drones nga amo ang ginkontrol para mag-ubra aerial art. Gin-break sang Abu Dhabi ang iya sini kaugalingon nga record sang 2023 sa diin naglawig sa 40-minutos ang ginpatigayon nga firework display. Sang tuig 2023 man sang napabilib ang kadam-an sang nagtuhaw sa kalangitan ang ginakabig world’s largest aerial logo gamit ang 5,000 drones.
