Masobra na sa 29,000 ka mga indibidwal ang apektado sa paglupok sang Bulkan Kanlaon tinalikdan nga Disyembre 9, 2024. Ini sandig sa record sang Department of Health (DOH) Negros Island Region, Center for Health Development Mt. Kanlaon Response Report as of January 1, 2025.Suno sa report naglab-ot na sa 29, 460 ka indibidwal ukon 8,993 ka mga pamilya ang apektado. Samtang may 4,324 naman ka mga pamilya nga ginabug-usan naman sang 13.915 ka mga indibidwal nga tubtob karon yara pa sa 34 ka mga evacuation centers kun sa diin 11 diri ang sa banwa sang La Castellana, anum sa ciudad sang La Carlota, pito sa Bago City, isa naman sa San Carlos City kag 10 ang yara sa Canlaon City, Negros Oriental. Padayun naman nga nagapanugyan ang mga otoridad sa publiko nga magpadayun sa pagsunod sa mga pagsulundan para sa kaluwasan sang tanan. Nahibaluan nga may asod-asod nga ash emission ang narekord sa Bulkan Kanlaon kun sa diin gina-abisuhan ang tanan nga mag-aligmat sa indi pa mahibaluan nga aktibidad sini. Nagapabilin naman yara sa Alert Level 3 ang Bulkan kag ang padayun nga pagdumili sa mga residente nga magsulod sa 6km extended danger zone.
