Duha ka mga lalaki ang ginbawian sang kabuhi matapos nga ginbuno kag ginluthang sa banwa sang Murcia. Antes pa man ang pagbulag sang tuig, isa ka 27-anyos nga lalaki ang ginbawian sang kabuhi matapos ginbuno sa Brgy. Sta. Rosa, las-11:59 sang gab-i, Disyembre 31, bangud sang lalisay sa open pipe sang motorsiklo. Ginkilala ang biktima nga si Gino Garcia. Si Garcia ang ginsaway sang suspek nga Renaldo Apisanda Jr., 33, kag isa ka panday. Santo sa imbestigasyon, naglalisay ang duha matapos nga ginsaway si Garcia. Nakaangkon ini sang pilas sa nawala nga ilok matapos ginbuno ni Apisanda sang siyam pulgadas nga sundang. Dead on arrival sa hospital sa Garcia. At large naman karon si Apisanda. Samtang, las-5 kahapon, Enero 1, 2025, ginbawian man sang kabuhi ang caretaker sang isa ka compound sa Hacienda Libertad, Brgy. Damsite. Ginkilala naman ang biktima nga si Alberto Claridad, 42, sang Hacienda Delapena, Brgy. Cansilayan. Nasapwan na lamang sang isa ka babayi si Claridad nga wala na sang kabuhi kag may igo sang armas luthang sa ulo. Wala pa man nahibaluan kon sin-o ang nagluthang sa biktima.
