Nagnubo ang crime incidents sa Western Visayas sa pagsulod sang bag-ong tuig. Santo sa record sang Police Regional Office (PRO) 6, halin Disyembre 16, 2024 tubtob Enero 1, 2025, may yara sang 907 ka crime incidents kag ini ang mas manubo sang 28.24 percent sangsa 1,264 sa pareho man nga period sang 2024. Nagnubo man sang 69.32 percent ang eight focus crimes nga ginalakipan sang murder, homicide, physical injury, rape, robbery, theft, carnapping of motor-vehicle kag carnapping of motorcycle. Halin Disyembre 16, 2024 tubtob Enero 1, 2025, may yara sang 54 ka eight focus crimes nga narekord kag mas manubo sangsa 122 incidents sang nagligad nga tuig. Nangin generally peaceful naman ang pagsug-alaw sang bag-ong tuig sa Western Visayas suno sa PRO-6. Ginadayaw naman ni PRO-6 Director, Brigadier General Jack L. Wanky ang mga kapulisan sa dedikasyon sa ila nga mga responsibilidad sa pagpasiguro nga malinong ang rehiyon sa tion sang selebrasyon.
