Ginbawian sang kabuhi ang driver matapos nga naglupok ang ginamaneho nga cybertruck sa atubang sang Trump Hotel sa Las Vegas, Nevada, sang Enero 1, 2025. Gina-imbestigaran sa karun sang kapulisan kun ano gintunaan sang paglupok sang tesla cybertruck nga puno sang karga nga fuel canisters kag fireworks. Pilason man ang pito ka iban pa nga yara malapit sa lugar sang natabo ang insidente. Ang amo nga truck ang ginrentahan sa Colorado kag nag-abot sa lugar, Miyerkules sang aga, kapin duha ka oras antes ang paglupok. Ginpahayag ni United States President Joe Biden, nga gina-imbestigaran na sa karun sang awtoridad ang natabo nga insidente kag kun ini bala ang may kaangtanan sa pagpang-atake sang isa ka lalaki sa iya ginamaneho nga pickup truck sa kadam-an sa Bourbon Street, New Orleans, kaagahon sa kapareho nga adlaw nga nagresulta sang pagtaliwan sang 15 ka tawo. Ginalantaw sa karun sang Federal Bureau of Investigation (FBI) kun ang amo nga insidente ang may kaangtanan sa terorismo.
