Isa ka bag-o nga henerasyon naman ang magadugang sa listahan sini nga 2025. Ini amo ang “Generation Beta.” Sila ang henerasyon nga nabuhi sa post-pandemic period sa diin may presensya na sang artificial intelligence (AI). Ang Generation Beta ang maga umpisa sini nga 2025 kag magalawig naman tubtob 2039. Suno sa Australian social research group nga McCrindle, ang Gen Beta ang magadako sa kalibutan sa diin maga-isa ang digital kag physical worlds. Sa pihak nga bahin, Gen Alpha naman ang tawag sa mga tawo nga ginbata sang 2010-2024 sila ang mga tawo nga ginbun-ag sa 21st century sa diin madamo na sang technological advancements. Samtang Gen Z, sa mga ginbata sang 1995 tubtob 2009, sila ang mga ginbun-ag sang halos tanan nga tawo may uyat na nga cellphone kag nagtuhaw na ang social media. Gen Y ukon Millennials, naman sa mga ginbata sa 1980- 1994 sa ila nga tiyempo nag amat-amat kilala ang internet kag iban pa nga digital technologies. Samtang, Gen X, ang tawag sa mga tawo nga ginbata sa tuig 1965- 1979, sila ang ginatawag man nga “middle child” generation. Sila ang una nga henerasyon nga nagdako nga may mga personal computers. Baby boomers naman ang tawag sa mga ginbata sang 1946-1964 sila ang henerasyon sa diin nagtaas ang birth rate ilabi na pagkatapos sang World War 2.
