Nagapanghanda karon ang Police Station 10 sa posible pamahog sang gina-alegar armado nga grupo sa Brgy. Felisa, Bacolod City. Angut diri, nagpatigayon sang simulation exercise ang Police Station 10 natuhoy sa station defense plan. Base sa pahayag ni Police Captain Sherwin Galupar, Station Commander sang amo nga police station, kapin duha ka beses nasiplatan ang presensya sang ginapatihan armado nga grupo sa Barangay Felisa sumugod sang bulan sang Nobyembre tuig 2024. Ginpakamaayo sang kapulisan nga mangin heightened alert bangod nagpakita ang grupo sa ciudad sa posible sa rason nga mga development ukon projects sang gobyerno sa lugar kag tuyo nila ipakita ukon ipabatyag nga sila ang may yara pa sang pwersa. Pinaagi sa ginpatigayon nga simulation exercise, na-review ang security sang police station kag natigayon nga na-evaluate ang lugar. Makita ang kahandaan sang police personnel kun paga-atakehon ang estasyon. Samtang para sa dugang nga seguridad kag pagpatigayon sang patrolya sang kapulisan nag-request ang PS10 sang dugang long firearms sa headquarters, para sa pagpasanyog sang seguridad sang lugar.
