Gin-dispose na sang Negros Occidental Police Provincial Office (NOCPPO) sa pagpanguna ni Provincial Director, PCOL Rainerio M. De Chavez ang mga illegal nga mga palupok nga nakumpiskar sa ginpatigayon ang Ceremonial Disposal of Confiscated Illegal firecrackers, pyrotechnic devices kag boga sa NOCPPO Open Ground, Camp Alfredo M. Montelibano Sr., Barangay Estefania, Bacolod City subong nga adlaw, Enero 3, 2025. May kabug-usan nga 10,595 pcs sang ilegal nga mga palupok ang gin-dispose gikan sa 21 ka ilegal nga operasyon sang palupok nga ginhimo tinalikdan nga Disyembre 16, 2024, tubtob Enero 3, 2025 nga ginabulubanta nagabalor sang P88,895.00. Kadungan sang seremonya, ginpalapakan naman ang mga nakumpiskar nga “BOGA” gamit ang BFP Firetruck agud luwas nga mahaboy ang mga hazardous devices. Sa mensahe sang Provincial Director, ginhatagan sini sang importansya ang padayon nga dedikasyon kag pangako sang mga kapulisan kag mga lider sang komunidad sa pag-uphold sang kaluwasan sang publiko paagi sa amo nga mga inisyatibo. Ginpahayag man sini ang malig-on nga determinasyon sang NOCPPO nga padayunon ang pagtrabaho batok sa mga ilegal nga operasyon sang palupok kag proteksyonan ang mga pumuluyo gikan sa katalagman nga dala sang makatalagam nga mga materyales. Ang Ceremonial Disposal ang gintambungan Mr. Mark Andrew Siervo, RN nga nangin tiglawas gikan sa Department of Health, Deputy Provincial Director for Administration (DPDA) PLTCOL Ariel C. Pico, Deputy Provincial Director for Operations (DPDO) PLTCOL Mark Evan P. Salvo, Provincial Fire Marshall sang Bureau of Fire Protection (BFP) FSUPT Menandro B. Bastian, Explosive Ordniance Division, kag iban pa nga katapo sang NOCPPO Provincial Staff kag personnel.
