Ginbawian sang kabuhi ang 14-anyos nga lalaki matapos nga gina-alegar nalumos sa suba sa Hacienda San Ramon, Barangay Manalad banwa sang Ilog, las 2:30 sang hapon, Biyernes, Enero 3, 2025. Base sa rekord sang Ilog Municipal Police Station, nagpaligo sa suba ang biktima kaupod sang tatlo ka iban pa nga lunsay mga menor de edad. Samtang nagapaligo ang mga ini sa suba, hinali lang nalumos ang biktima bangod sa tuman ka baskog sang current sang tubig. Matapos ang masobra duha ka oras sang nagluntad ang insidente, nasapwan ang biktima kag gindala sa Lozenzo Zayco District Hospital sa ciudad sang Kabankalan apang gindeklarar ini nga dead on arrival.
