Ginkilala ang ciudad sang Hanoi sa Vietnam, bilang pinaka-polluted nga lugar bangud sang smoke fog ukon “Smog” nga nagpuog sa palibot sini masobra tatlo ka semana na ang nakaligad. Ang Hanoi ang capital sang pungsod Vietnam sa diin natabunan na ang palibot sini sang madamol nga smog rason kun ngaa nagpanguna ini sa listahan sang world’s most polluted cities. Pahayag sang gobyerno snag Vietnam nga ila igaduso ang paggamit sang electric vehicles (EVs) agud mapahagan-hagan ang problema. Ang lebel sang hazardous small particles, nga ginatawag PM2.5, ang natakos nga yara sa 266 micrograms per cubic meter sa Hanoi, sini gid lang nga Biyernes. Ang Hanoi ang makabig may highest reading bilang most-polluted cities suno sa AirVisual, nga amo ang nagpatigayon sang independent global air pollution information pinaagi sa isa ka phone application. Ang madamol nga aso ang ginapatihan naghalin sa mabug-at nga lakat sang trapiko, pagpangtutod sagbot kag mga industrial activities. Pila ka mga katigulangan ang nagpahayag nga ila gid nabatyagan ang mahigko nga hangin bangud ginahapo sila kun maglawig tinir sa gwa.
