Magabalik na ang klase sa mga local government units sa Negros Occidental nga apektado sang paglupok sang Bulkan Kanlaon magluwas sa mga eskwelahan nga nasulod sa 6-kilometer extended danger zone (EDZ) kag mga ginagamit nga evacuation centers. Si La Castellana Mayor Rhummyla Nicor Mangilimutan ang nag-issue sang Executive Order 025-001, Series of 2025, nga nagabatak na sang class suspension sa public and private schools sa tanan nga lebel kag pagpatuman sang flexible learning modalities sugod sini nga Enero 6, 2025. Ang mga eskwelahan sa sulod sang 6-KM EDZ ang magapatuman sang modular and online learning modality. Samtang ang mga sa guwa sang 6-KM EDZ nga ginagamit nga evacuation center ang dapat nga magpatuman sang blended learning modalities (in-person classes with modular online learning). Ang mga eskwelahan sa guwa sang EDZ kag wala ginagamit nga evacuation centers ang dapat nga mag-resume na sang in-person classes. Ang Colegio de La Castellana ang mapatuman naman sang online learning modality. Si La Carlota Mayor Rex Jalando-on ang nag-issue man sangExecutive Order No. Series of 2025, nga nagamando sa mga eskwelahan sa guwa sang 6-KM EDZ kag wala nagaserbe nga evacuation centers ang dapat nga mag-resume man sang in-person classes.
