Magapangatubang sang dugang nga mga kaso ang pulis nga suspek sa pagluthang sa mag-amay sa Brgy. Canjusa, Pulupandan, tinalikdan nga Disyembre 25, 2025. Madumduman nga ang suspek nga si Police Corporal Armin Alanza ang un ana naaresto sa pagluthang kay Jomarie Fuentes kag anak sini nga si Joman nga ginbawian sang kabuhi. Una na nga ginpasakaan sang kaso nga homicide si Alanza bangud sang kamatayon ni Joman. Ang Negros Occidental Police Provincial Office (NOCPPO) ang nagaplano man nga magpasaka sang kaso nga frustrated homicide batok sa pulis bangud naman sa pagluthang kay Jomarie. Ginaproseso man karon sang NOCPPO ang administrative charges batok kay Alanza nga miembro sang 604th Company sang Regional Mobile Force Battalion 6. Ang biktima nga amay nagapabilin pa sa hospital apang estable na ang kondisyon samtang ang suspek nga pulis ang ginpaidalom man sa hospital arrest bangud sang iya injuries.
