Priso karon sa San Carlos City Police Station ang ginakabig Rank 4 Most Wanted Person sang Negros Occidental sa kaso nga murder. Naaresto sang gintingob nga pwersa sang San Carlos Component City Police Station, 605th Mobile Company sang Regional Mobile Force Battalion 6, PNP Maritime Group, kag 1st Negros Occidental Provincial Mobile Force Company ang suspek nga si alyas Bill, 57-anyos sang Purok Ramon, Barangay Codcod, San Carlos City, Negros Occidental sang Enero 2, 2025, las-10:17 sang aga. Naaresto ang suspek paagi sa warrant of arrest kag wala sang pyansa nga gintalana ang korte para sa temporaryo nga kahilwayan sini.
