Ginbawian sang kabuhi ang walo ka tawo kag 15 pilason sa sunog nga nagluntad sa merkado nga nahamtang sa Zhangjiakou City sa pungsod China. Nagapatigayon sang imbestigasyon ang awtoridad kun ano ang ginsuguran sang kalayo sa merkado. Ang Liguang vegetable market, ang nag-operate sa ciudad sumugod sadtong tuig 2011 kag ini ang ginatanyagan sang nagkalain-lain nga prutas, sea food, electronics, kag iban pa. Ang mga gas bottles, uling nga ginagamit sa pagluto sang baboy, upos sang sigarilyo, gabok na nga mga imprastraktura, ang pila sa mga gin-identify nga potential fire hazard nga posible gintunaan sang sunog. Samtang luwas na sa katalagman ang mga pilason sa amo nga insidente kag yara sa karun sa ospital para sa nagakaigo nga pagbulong.
