Narekober sang Bacolod City Police Office ang kabug-usan nga ₱150 million nga balor sang ginapatihan illegal nga droga sa ciudad sang tinalikdan nga tuig 2024. Ginpahayag ni Police Lieutenant Colonel Antonio Benitez Jr., head sang Bacolod City Drug Enforcement Unit, nakatigayon sang 426 drug buy bust operation ang kapulisan sa amo nga tuig kag naaresto ang 520 ka mga illegal drug personalities. Ginalakipan sang mga naaresto ang 93 ka mga high value individual kag 427 ka mga street level individual. Nagdangat sa 15.5 kilograms nga kabug-aton sang illegal nga droga ang narekober sang kapulisan. Nagpasalig ang BCPO nga mas pasanyugon ang kampanya kontra illegal nga droga sini nga tuig 2025 ilabi na sa pag-aresto sa mga high value individual. Santo sa monitoring sang CDEU, nagikan sa Manila ang mga kapitalista sang droga nga gina-deliver sa ciudad; amo nga sila ang nagatutok sa ginatawag nga “demand reduction” agod magamay ang suplay nga naga-abot sa lugar.
