Ginmanduan ni Bacolod City Police Office Director Police Colonel Joeresty Coronica ang tanan nga mga police station sa ciudad natuhoy sa gina-alegar presensya sang armado nga grupo sa Barangay Felisa nga mangin vigilante sa tanan nga oras. Ginpahayag ni PCol. Coronica, indi madula ang posibilidad nga sakyan sang grupo ang issue sa ciudad ilabi na sa nga ginareklamo sang pila ka mga pumuluyo sa ginapatindog nga solar panels sa amo nga Barangay. Possible nga magapang harrass ang amo nga grupo, rason nga nagatutok ang mga kapulisan sa ciudad. Samtang gina-abisohan naman ni Coronica ang mga negosyante nga makabaton sang exploitation letter nagikan sa armado nga mga grupo nga makipag-angot kag koordinar sa kapulisan agod mahimuan sa gilayon sang nagakaigo nga tikang. Madumduman kapin duha ka beses nasiplatan ang presensya sang ginapatihan armed group sa lugar sumugod sang bulan sang Nobyembre tuig 2024.
