Nagapanghangda man ang ciudad sang Bacolod sa posibilidad sang liwat paglupok sang Bulkan Kanlaon. Sa online meeting kahapon upod si Mayor Albee Benitez kag mga department heads, nahisugtan nga ang Disaster Risk Reduction and Management Office (DRRMO) Evacuation Center amo ang himuon nga command center sa tion sang hinali paglupok sang bulkan. Sarang man ini nga gamiton sang mga evacuees nga posible maggutok na sa mga local government units malapit sa bulkan. Sa karon may yara sang 37 ka indibidwal halin sa La Castellana nga apektado sang paglupok sang bulkan kag nagatiner karon sa isa ka simbahan sa Brgy. Cabug. Ang Bacolod City paagi sa Department of Social Services and Development (DSSD ang nakahatag na sang food assistance sa nasambit nga mga indibidwal.
