Ginakabig nga tourist spot sang pila ka mga locals sa China ang isa ka kalsada nga ginabaha kada tig-ululan. Kun diri lang sa Pilipinas, kada gani magbaha, maugtas ka gid sang sitwasyon. Apang sa isa ka dalan nahamtang sa Poyang lake, China, ginahungod kadtuan sang mga tawo ang isa ka kalsada bangud sang makabig unique driving kag visual experience sang mga motorista diri. Ang Yongwu Road ang naga isahanon nga dalan nga nagakonekta sa Wucheng, isa sa pinakadaan nga township sa China. Kabahin sang ini nga X219 county road, amo ang 5.05 km piece sang infrastructure nga gintukod mismo sa Poyang Lake ang pinakadako nga freshwater lake sa pungsod. Ang Yongwu ang sikat sa mga turista onset sang rainy season kag Spring sa diin nagataas ang water level. Kun maglab-ot 18.6 meters ang lebel sang tubig sa palibot sang lake, sa diin nagalubog sa tubig ang bahin sang dalan rason nga ginbansagan ini “China’s most beautiful road under the water.” Agud masiguro nga safe ang dalan para sa mga motorista, ginasarado sang otoridad ang dalan kun magdangat na ang tubig sa 19 meters nga flood warning line.
