Nagpirma sang Memorandum of Understanding (MOU) ang Provincial Government sang Negros Occidental pinaagi sa Negros Occidental Language and IT Center (NOLITC) kaupod sa Technological University of the Philippines (TUP) agud magtukod kag maghatag sang kahulugan sang framework para sa research and extension collaboration and linkage, kag pagpabakod sang mga kaangtanan pinaagi sa paggamit sang mga resources. Ginpirmahan ni Gov. Bong Lacson kag TUP President Dr. Reynaldo Ramos ang MOU sa Negros Occidental Provincial Capitol, subong nga adlaw, Enero 8, 2025 nga ginsaksihan sang TUP Visayas Campus Director Dr. Eric Malooy kag NOLITC Vocational School Administrator Dr. Ma. Cristina Orbecido. Suno sa MOU, ang mga areas sang cooperation nagalakip sang collaboration kag linkages pinaagi sa mga technical transfer training sessions, seminars, workshops kag iban pa nga may kaangtanan diri. Nagtambong man sa pagpirma sang MOU sanday TUPV Assistant Director for Academic Affairs Dr. Patrick John Delumpa, Assistant Director for Research and Extension Engr. Greg Crisostomo, Extension Services Head Engr. Jovel Young, External Affairs Head Rutchel Pabalinas, kag iban pa katapo sang eskwelahan.
