Nasapwan nga wala sang kabuhi ang isa ka babayi sa Hacienda Nilo Lizares, Barangay Matab-ang sa ciudad sang Talisay, pasado las-7 sang aga, January 12, 2025. Ang biktima ang ginkilala nga si Carl Kimberlyn Degabi, 31-anyos, kag residente sang Eroreco Subdivision, Barangay Mandalagan sa ciudad sang Bacolod. Suno kay Police Major Rhazl Jim Jocson, Deputy Chief sang Talisay City Police Station, personal nga ginkilala sang pamilya ang biktima nga yara sa karun Manapla Funeral Homes. Sa inisyal nga pagpangusisa sang Talisay CPS, isa ka call center agent si Degabi. Gina-verify sa karun sang mga kapulisan ang mga post sa social media batok sa biktima, nga ini ang isa ka scammer. Sa karun padayon ang imbestigasyon sang kapulisan natuhoy sa kamatayon ni Degabi kag ginalantaw ang possibilidad nga ini ang ginhimuslan bangod wala na ini sang suksok nga pag-idalom nga panapton sang nasapwan.
