Nagpatigayon sang Simultaneous Kick-off Ceremony sang Election Checkpoints para sa 2025 National and Local Elections ang Negros Occidental Police Provincial Office (NOCPPO) kahapon nga adlaw Enero 12, 2025 sa highway sang Talisay City. Ang nasambit nga seremonya ang kabahin sang pagpaninguha sang kapulisan sa pag implementar sang “enhanced security measures” kag nationwide checkpoints para masiguro nga mangin mahilway ang Election period. Tinutuyo sang PNP nga matapna ang pagdala, paggamit kag pagbiyahe sang mga armas luthang kag iban pa nga mga deadly weapons ini agud mas mapasanyog pa gid ang peace and order sa bilog nga pungsod. Ang nasambit ng seremonya ang ginpangunahan ni Commission on Elections (COMELEC) Negros Occidental Provincial Elections Supervisor Atty. Ian Lee Ananoria; 303rd Infantry Brigade Commander BGEN Ted Dumosmog; Police Regional Office 6 Chief of the Regional Staff PCol. Roland Bulalacao;NOCPPO Director PCol. Rainerio De Chavez kag Bacolod City Police Office (BCPO) Director PCol. Joeresty Coronica.
