Sa karon nga panahon, madamo na sang mga nagtuluhaw nga world records, halos sa tanan nga mga butang, may isa nga nagapangibabaw. Sa isa ka state sang Telengana sa India, isa ka tawo ang nagbuhat sang isa ka pinasahi butang kag bangud sini, ginkilala siya sang Guinness World Record. Ini amo si Kranthi Kumar Panikera kag iya napa-untat ang pagtiyog sang 57 ka mga electric fans sa sulod sang isa ka minuto gamit lamang ang iya nga dila! Madamo sang indi makapati kun paano ini ginhimo ni Kranthi bangud tuman ini ka delikado kag indi normal kun pamatian. Apang sa video sang Guinness, diri nakita kun ano kadasig nga napauntat ni Kranthi ang pagtiyog sang mga electricfan, kaangay nga wala ini sang sakit nga nabatyagan. Antis ang ini nga record, una na ginkilala si Kranthi bilang si “Drill Man” bangud sa mga stunts nga ginapakita sini sa publiko. Bisan nagatan-aw ka lang, makapiyong kagid kun magdapat na ang iya dila sa mga electricfan blades para lang mapauntat ang pagtiyog sini sa sulod sang isa ka minuto. Madamo sang mga fans ang na-impress sa diin may mga na curious gid kag plano mag train para sa kaangay nga abilidad. Apisar may mga naga-kwestyon naman Guinness kun ngaa ginakilala nila ang kaangay sini nga mga buluhaton, suno naman kay Kranthi, ang importante may mga naka appreciate sa iya.
