Wala na nagakoordinar ang pamilya ni Pearl Joy Galve sa National Bureau of Investigation natuhoy sa kaso nga pag-utas sang kabuhi sang biktima matapos nga ini ang nasapwan sa kampo sang Hacienda San Roque Barangay Cubay, La Carlota City, alas-6 sang aga, Agosto 14, 2024. Madumduman ang biktima ang 15-anyos nga dalaga, grade 10 student, kag residente sang Barangay Sum-ag ciudad sang Bacolod. Suno kay NBI Executive Officer William de Arca, nagapabilin nga naga-atubang sa blanko nga pader ang awtoridad nga indi makausad sa imbestigasyon. Natuhoy naman sa mga person of interest sa krimen, wala sang nagakaigo nga ebedensiya ang awtoridad natuhoy sa amo nga mga tawo. Samtang nagapati ang NBI nga may nahibaluan ang step father sang biktima nga si Rene John Nacis apang indi pa ini mapamatud-an. Sa karun wala pa nagwa ang warrant of arrest natuhoy sa Child Abuse batok kay Nacis.
