Nagaapelar si Office of Civil Defense (OCD) Administrator Undersecretary Ariel Nepomuceno sa mga residente sang La Castellana, Negros Occidental, kag Canlaon City sa Oriental nga magpamati sa mga paandam sang otoridad angut sa posibilidad sang paglupok sang Bulkan Kanlaon. Suno kay Nepomuceno, dapat bayaan na sang mga residente ang ila sini mga puluy an bangud madamo pa sang mga butang nga mas importante kaysa sa propedad kag palangabuhian sang mga ini. Ginpahayag sini nga bisan ang mga yara sa gwa sang six-kilometer extended danger zone ang dapat indi magpa kampante sa sitwasyon kag kun mahimo, mag evacuate man. Ginpaandaman man sang OCD chief ang mga responder nga indi magsulod sa danger zones bilang kabahin sang ila pag execute sang rescue operations kun maglupok ang bulkan. Madumduman nga una na nagpagwa sang advisory ang Philippine Institute of Volcanology and Seismology (PHIVOLCS) naangut sa heightened ground deformation sang bulkan.
