Sa kontinente sa diin kan-on ang nagapanguna nga ginakonsumo sang mga tawo adlaw-adlaw, pila ka mga rice farmers sa pungsod Thailand ang nakakuha sang atensyon sang kadam-an bangud sang pinasahi sini nga pagpatubo humay. Kun sa Pilipinas may rice terraces, sa pungsod Thailand naman may yara sang rice paddy art work. Ang ini nga art installation ang nagapakita sang laragway sang maisog nga pula nga dragon, sagrado nga kuring, kag isa pa ka ido. Ginhimo ini sa rice paddies ukon talamnan sang humay agud nga maghatag sang tribute sa makusog nga pag-ulan nga nagtuga sang pagbaha sa Chiang Rai kag northern Thailand tinalikdan nga September 2024 kag nagbilin sang linibo ka mga tawo nga stranded. Ginhimo sang factory worker kag part-time farmer nga si Tanyapong Jaikham ang ini nga talamnanan bilang isa ka artistic landscapes nga iya personal nga proyekto. Ang disenyo ang natigayon sa bulig sang teknolohiya, gamit ang artificial intelligence (AI) naka plot ini sang outline kag designs nga amo ang pagasundon ni Jaikham. Gamit ang nagkalain-lain nga kolor sang humay lakip na ang rainbow rice, nangin matahum man ang resulta sini.
