Ginhingalanan na ang bag-o nga mga opisyales sang Negros Press Club (NPC) Enero 18, 2025. Ini kasunod sang eleksyon nga ginpatigayon sa NPC Office sa ciudad sang Bacolod. Gindeklarar nga presidente si Mark Salanga sang Aksyon Radyo kaupod si Radyoman Prime Tejida sang RMN DYHB nga nagdaug bilang Vice President. Samtang daug naman bilang secretary si Lourd John Diaz (Askyon Radyo) Nona Magbanua (Aksyon Radyo) bilang Treasurer, James Toga (Negros Daily Bulletin) bilang auditor kag mga board of directors naman nanday Eden Aboso (Aksyon Radyo), Merlinda Pedrosa (Sunstar), Nico Delfin (Digicast Negros) Maureen Andrea Soliguen (FMR). Mangin ex officio naman si former president Erwin Ambo Delilan. Ang NPC ang isa ka Press Club sang mga media practitioners gikan sa nagkalain-lain nga mga radio kag media stations sa probinsya sang Negros Occidental. Nahibaluan nga ang NPC amo ang ginakilala nga pinakamalawig na nga press club sa bilog nga Pilipinas.
