Nagdangat sa P17.8 million ang balor sang illegal drugs nga nakumpiskar sang Police Regional Office (PRO) 6 sa first half sang Enero 2025. Santo sa datos sang PRO-6, nagdangat sa 2,630 grams sang suspected ‘shabu’ kag 11 grams sang marijuana ang nakumpiskar sa 157 ka mga police operations sa Western Visayas halin Enero 1-15. Ini ang nagresulta sa pagkaaresto sang 196 ka mga suspek. Ang Iloilo Police Provincial Office (IPPO) ang may pinakadako nga balor sang illegal drugs nga nakumpiskar sa nasambit nga period nga nagadangat sa P5.8 million. Samtang ang Negros Occidental Police Provincial Office (NOCPPO) naman ang may pinakadamo nga naaresto nga suspek nga nagadangat sa 86 ukon katumbas sang 43.87 sang kabug-usan nga kadamuon sang mga arestado.
