Agud makaagum sang maayo nga panglawason, madamo sa mga tawo ang nagasunod gid sa vegetarian diet.Maayo ini agud malikawan ang cardiovascular disease kag balatian nga cancer. Apang, nakahibalo ka bala nga may isa ka sahi sang sapat nga makabig vegetarian? Sa 45,000 ka mga species sang damang sa kalibutan, tanan sa mga ini ang carnivorous, magluwas lamang sa isa. Ang Bagheera Kiplingi ang isa ka jumping spider kag kilala sa pagkaon lamang sang tanum. Ini ang makita lang sa kalasangan sang Central America kag Mexico, Ang Bagheera kiplingi ang nagatakos lang sang 5-6mm ang kalabaon. Masami ini nagatinir sa mga laya nga dahon sang acacia trees kag nagahulat sang oportunidad nga makakuha sang pagkaon. Paborito sini ang bag-ong tubo nga acacia leaves. Suno kay Professor Robert Curry, sang Villanova University, Pennsylvania, ang ini nga jumping spiders ang wala naga-ubra sang lawa para makasalo sang pagkaon. Ang ginahimo lang sini amo ang maghigop sang nectar kag magkaon sang plant-based food sources. Ang ini nga mga herbivores ang una nga na-discover sa Costa Rica sang 2001 ni Eric Olsen sang Brandeis University.
