Nagpasalig si Bacolod City Mayor Albee Benitez nga maga-agi sa fair kag due process ang pagpahalin sa mga Job Order (JO) sang Bacolod Traffic Authority Office (BTAO). Ini ang pahayag sang alkalde sa ginpatigayon nga press conference sa Bacolod City Government Center subong nga adlaw Enero 21, 2025. Ini ang may angut sa gin-alegar imbolbado sa mga pagpangkilkil sa mga traffic violators kag sa poor performance sang mga ini. Suno kay Mayor Albee, wala ginapahanugutan sang Bacolod Traffic Authority Office (BTAO) nga magabaton sang biskan pila nga kantidad ang mga enforcer sini. Samtang, ginpahayag naman ni Chairman sang Committe on Transportation and Traffic nga si Councilor Al Victor Espino nga paga-imbestigaran sang komitiba ang nasambit nga issue kag natalana nga paga-imbitahan ang mga imbolbado diri.
